Austismoa eta IKT

Egun on! 

Oraingo honetan autismoarekin lotura duen sarrera bat egin nahi izan dut. Gradu Amaierako Lanerako hautatutako gaia izanda, hau aurrera eramateko informazio bila nengoela ikasle autistekin IKTak nola lantzeko web orri bat aurkitu nuen eta horren berri eman nahi nizuen. 

Askok jakingo duzuen moduan, autismoa haurtzaroko gaixotasun bat da; beste pertsonekiko harreman-eskasia nabarmenak dituena. Horren ondorioz, ume hauek arazo larriak izaten dituzte hezkuntza alorrean eta horri aurre egiteko, IKTekin lotutako hainbat proposapen aurki daitezke. Gehienak ikasle autisten arreta deitzeko eta rutina mantentzeko egiten diren moldaketak dira, normalean autistek ez dituztelako arazo kognitiborik izaten eta beraz ez direlako edukien aldetik aldaketarik egin behar. Hori dela eta, hau da aurkitutako proposamen digital bat, Confederación Autismo España egindakoak eta gida interaktibo moduan aurkeztuta. 

Bertan, proposatzen diren baliabideak arbela digital interaktiboa, horretarako zein ordenagailurako programak eta aplikazioak, piktogramak, Zac Picto, Azahar eta material egokituak dira beste batzuen artean.

Arbela digital interaktiboa

Mota honetako arbelak normalean ordenagailu batean doaz konektatutak eta oso eraginkorrak izaten dira irakaskuntzan arazoak izaten dituzten ikasle horientzat honako abantaika direla eta:

• Edukien aurkezpena tamaina handiagoan eta publiko kolektibo batentzat, deigarriagoa egiten duenak.
• Edukietan murgilketa handiagoa.
• Irakaskuntza erakargarriagoa egiten duten programen eta aplikazioen erabilera.

Arbela digitalerako eta ordenagailurako programak eta aplikazioak
Autismoa duten ikasleen gaitasunak bultzatzen dituzten hainbat aplikazio interaktibo existitzen dira.  Hauek eragiten duten garapena ez da soilik hezkuntzan zentratzen, gaitasun sozial eta autonomia pertsonala ere garatzen baita.

Hainbat aplikazio daudenez, ondoren bertatik interesgarrienak iruditu zaidanak aurkeztuko dizkizuet:

• Piktogramak

Piktogramak betidanik izan dira baliabide pedagogiko eraginkorrenak autismoa duten ikasleen ikaskuntzarako. Aplikazio honek baliabide tradizional honen oinarria hartzen du informatikak ahalbideratzen dituen aukerak erabiliz. Horien bidez, ikasle autistek errazago barneratzen dituzte oinarrizko kontzeptu edo edukiak.

• Zac Picto

Multimedia bilduma hau autismoa duten ikaslentzat bereziki sortuta dago, bai etxean zein eskolan edo zentru espezializatuetan erabiltzeko pentsatuta. Honen oinarria piktogramak dira ere baina honen helburua oinarrizko kontzeptuak izan ordez, ekintza edo jardueren segimendua egiteko balio du.

• Azahar

Azahar 10 aplikazio ezberdinen bilduma da, non helburua umeen gaitasun komunikatiboa eta soziala garatzen laguntzea eta ekintzen antolakuntzarako gaitasuna garatzean datza, umeek aisialdiko jardueretaz disfrutatu dezaten.

• Material egokituak

Beste baliabide oso baliagarriak ordenagailuetarako arratoia edo teklatu egokituak dira. Hauetan egiten diren moldaketak oso txikiak izaten dira. Esate baterako, arratoiari bola bat edo joystick bat eranstea edo teklatuen teklak handitzea, aldi berean teklen kopurua murriztuz eta kolorez margoztuz, haien erabilera errazteko asmoz.

Espero dut gai honetaz zerbait berri ikastea eta hurrengo sarrera arte! Ongi izan!

Google Expeditions

Egun on!

Gaurko sarreran atzo Gizarte Zientzien arloko Proiektuak eta Hezkuntza Berrikuntza irakasgaian ikusitako proiektu bat aurkeztu nahi dizuet: Google Expeditions.  Jarraian azalduko dudan arren, aipatu nahi nizuen baliabide hau benetan harritu ninduelako, klaseak emateko benetako berrikuntza delako, non bai irakasleek zein ikasleek disfrutatuko luketeela.

Informatika existitzen denetik, hezkuntzarako aplikazioak ikasleen ikaskuntza teknologia berriaren bidez hobetzeko aukera izan dira. Horretan ordenagailuak lan ikaragarria egin duten arren, gaur egun pil-pilean dagoen gaia Errealitate Areagotuta da, aurreko beste sarrera askotan aipatu izan den bezala.

Google-k ez zen gai honetan atzeratuta geratuko eta ia 2014. urtean, Errealitate Areagotutarako betaurrekoak atera zituen, Google Cardboard deiturikoak. Pasaden urtean, ikusita betaurreko hauen arrakasta, Google enpresak baliabide hauek hezkuntzan erabiltzeko ideia izan du: Google Expeditions. Honen bitartez, ikasleek edozein lekura bidaiatzeko aukera izango dute, bakarrik tablet eta Cardboard batzuk izanda. Aukera hau erabilera handikoa izan daiteke, urruneko lekuak aztertzeaz gain, orain arte irudien bidez soilik ikasi zezaketen zonaldeak aztertu daitezke, itsashondoa edo espazioa, alegia. 

Baliabide honetaz disfrutatzeko, ikasleen tabletak bi aplikazioa behar izango dute: Expeditions eta Google Arts & Culture. 

Jarraian Espainian proiektu honen aurkezpena egiten duten bi bideo jarriko dizkizuet, Cardboard-rren funtzionamendua hobeto ulertzeko.

Espero dut nik bezala proiektu honetaz disfrutatzea eta hurrengo sarrerara arte!

Lehen Hezkuntzarako baliabide digitalak

Arratsalde on!

Gaurko sarreran hezkuntzarako erabilgarriak diren zenbait baliabideei buruz hitz egin nahi dizuet. Dakizuen moduan, Magisteritza ikasten ari naiz eta zenbaitetan unibertsitateko irakasgaietan umeekin erabiltzeko haibat baliabide digital aztertzen ditugu.

Alde batetik, matematika irakasgaiarako baliabide bat dugu: Scratch. Web orri hau programazioa lantzeko erabiltzen da, gaur egun eskoletan gero eta gehiago ikasten den gaia dena. Honen erabilera nahiko erraza da umeentzat pentsatuta baitago eta honen bitartez jolasak eta ipuinak sor daitezke.

Beste alde batetik, gizarte zientzien irakasgaiarako baliabideak aurkeztuko dizkizuet. Hauen artean ugari ikasi ditugun arren, nik horietako 6 azalduko ditut.

• Timeline: denbora lerro interaktiboak sortzeko online aplikazioa
• Online.Seterra: mapa interektiboetan oinarritutako geografia jolasak
• Story Jumper: haurrentzako ipuinak sortzeko eta publikatzeko aplikazioa
• PuzzlesJunior: puzleak sortzeko web orria
• Google Earth: erliebea, eraikinak, herrialdeak... 3D moduan aztertzeko aplikazioa.

Ongi izan eta hurrengora arte!

Beste eskoletako proiektuak

Egun on!

Gaur Mooc-eko bostgarren moduluaren azkeneko atala aurkeztu nahi dizuet. Modulu honetan, aurreko sarreran adierazi nuen moduan, zenbait eskolek dituzten proiektu berritzaileak azaldu zituzten. Honi lotuta, moduluarekin amaitzeko, nire kabuz proiektu berritzailea duen beste eskola bat bilatu behar izan dut. Horretarako, Google-n sartu eta "colegios con proyectos innovadores" bilatu dut.

Ateratako emaitzetan aztertu ostean eta hainbat eskolen eskaintzak behatu eta gero, Colegio Alkor izeneko eskola hautatu dut. Bertan, hainbat proiektu berritzaile egiten dituzten arren, nik "Alumnos Ayudantes TIC" deiturikoa hartzea erabaki dut. Horren arabera, ikasle nagusiak teknologia berrietan adituak bihurtuko dira maila baxuko ikasleak horien erabilera egokian laguntzeko gai izan daitezen.

Adituak bilakatuko diren ikasle horiek, DBHko 3. eta 4. mailako boluntarioak dira, eta kurtsoan zehar dituzten aisialdietan sare sozialetan, mugikorretan, komunikazio gaitasunetan eta gai hauen inguruan dauden arriskuetan, arduretan, aspektu legaletan...  formakuntza jasoko dute. Ondoren, beste ikasleekin formakuntza saioak egiteko dokumentazioa prestatzen dute.

 

Esperientzia honen helburua Lehen Hezkuntzako 5. eta 6.mailako ikasleek teknologia berrien inguruko formakuntza jasotzea da. DBHko ikasleek tutoreen papera hartzen dute, pentsatzen delako Lehen Hezkuntzako ikasleek mezua hobeto ulertuko dutela beste ikasleen bidez, eta ez irakasleen bidez. Normalean, honen arrazoia da umeek uste dutela helduek gai horien inguruan ez dakitela ezer.

 

Espero dut zuen interesekoa izatea. Ongi izan eta hurrengora arte!